Los Tamagringos

Veröffentlicht: 22.01.2018

Hola chicas y chicos!

Das Weekend han ich mit 4 Kolleginne vode Schuel (Schwiizerinne, what else ;-)) en Trip nach Tamarindo unternah. Wieso de Titel „Los Tamagringos“ heisst, erklärt sich ganz eifach: in Tamarindo hets nämlich viiiel meh Touriste (gringos = weisse) ond au namal viel meh Schwiizer als da in Sámara. Am Fritigabig hend mer es Auto gmietet (ca. USD 200.— für 2 Täg - Costa Rica esch ned ganz günstig, aber dur d Azahl Persone, womer xii sind, esches weder einigermasse human) ond sind am Samstigmorge am 7i (danke Luana ;-)) losdüst Richtig Tamarindo.

D Fahrt vo Sámara nach Tamarindo duured ungefähr 2 Stunde, s GPS zeigt immer weniger ah, aber mer muen bedenke, dass d Strasse da ned alli imene Top-Zuestand sind ond drum bide Planig grosszügig ufrunde.

Sobald mer acho sind ond oises Gepäck im „Blue-Trailz Hostel“ deponiert hend, simer sofort an Strand gange. De esch sehr witläufig ond uffällig sind die viele Surfer, wel det d Welle sehr höch sind.

Genau us dem Grund hend mer ois als Afänger ned getraut ond s ois drum lieber ufem Liegestuehl gmüetlich gmacht für de Rest vom Tag.

Am Abig hend mer denn im italienische Restaurant „La Pachanga“ gesse. Spöter hend mer en anderi Kollegin vo mer us de Schwiiz troffe, won ich no vo mine Edelweiss-Ziite her kenne. D Laura het ois denn es paar gueti Bars ond Clubs in Tamarindo zeigt, sie esch inzwüsche scho zum 5. Mal dete.

Falls ihr oich fraged, was ich det im Gsicht han, das esch so Gsichtsfarb wo ide Nacht lüchted ;-) faaancy!

Am nächste Morge hend mer no gmüetlich zmörgeled in Tamarindo ond ois denn uf de Weg anen andere Strand gmacht.

De „Playa Avellana“ liit ungefähr ide Mitti vo Tamarindo ond Sámara ond esch en sehr ruhige, naturbelassene Strand. Da hets au sehr viel Iheimischi (sogenannti „ticos“) gha, wo de Sonntig zeme mit de Familie am Strand verbracht hend. Mengisch hets au Söili am Strand, aber hüt sinds leider izäunt xii.

Zur Erfrischig ond als Abschluss vom Tag han ich mehr no e frischi „Pipa fria“ gönnt.

P U R A V I D A 🥥☀️🌴

travelina_latinamericaFolge diesem Blog und verpasse keine neuen Beiträge.

Antworten (1)

Angela

Tönt alles super tschöxx! mega cool hets mi de laura klappet😊 wiiterhin vel spass und gnüssäs!🏝

Vergiss nicht, nett zu sein :)

Los Tamagringos

Mehr aus dem Reiseblog travelina_latinamerica

¡Bienvenidos a Costa Rica!

¡Hasta luego Costa Rica!

Gran final - Argentina 🇦🇷 y Uruguay 🇺🇾

Chile 🇨🇱

boLIVIA 🇧🇴

Perú 🇵🇪