El Chaltén u El Calafate

Hola chicos y chicas 😜

Im chlinä Dörfli El Chaltén het üsi Reis dür Patagoniä gstartet. Äs Dörfli mit viu charme u härzigä Hüsli us Houz u d‘Landschaft erinnert chli a Island 🏡🏔

Üsi ersti Hiking-tour het zum „Laguna de los tres“ gfüährt. Ungerwägs heimr öppä aui 4 Jahreszitä erläbt 🙈😁 zerst ir sunnä gschwitzt, 😅 de isches no cho chutä 💨 u womr de diä letscht steili Bärgwand in ahgriff gno hei isches de no cho schneiä u stürmä 🌬🌨☃️🙈 Ja das isch nid ganz ohni gsi aber mir si ufägsprungä wiä jungi Gemsi 🧗‍♀️😜 Leider het dobä dr Bärg Fitz Roy (oh ungerem Namä „der Rauchende“ bekannt 🏔🌫😜) üs nid ganz vo sirä Sunnäsitä wöuä zeigä 🤗 Nach denä 10km heimr üs de ufä Wäg zrügg gmacht mitm Patrick dr Bärgfüährer vorrus u de heimr üs doch tatsächlech no verlofä. 🗺🤔🙈😂 Mir si de schlussämänt im Rägä, womr ja oh no gha hei, 🌧🙈 no diä wo aus 2-Tageswanderig ah gä wär zrügg tschaupet 👏🏻🙃 Macht 30 km u 2 Blaterä 🙈😅 Bimä Täuäer Spagetti u ämä Glas Wy, si di strapazä verbi gsi... 🍝🍷😜

Am nächstä Tag simr de numä 20km ga zum „Loma del Pliegue Tumbado“ ghiket u dert heimr wunderschön ah Bärg „Cerro Torre“ gse. 🏔😍

Nach 2 Täg simr de mitm Bös nach El Calafate gfahrä 🚌💨 Dert hei üs diä Turis ä Strich dür d‘Rächnig gmacht u aui Outos wit u breit scho gmietet 🤨 Iu du, de heimr haut wieder dörfä dr Turibös nä 😒👏🏻🚌🙃 Immerhin isch das Problem „wär fahrt“ oh glöst gsi 😂🍷

De simr zum Gletscher „Perito Moreno“ ga luägä wiä dä chauberet u imä Tag bis zu 2 Meter wachst ❄️ Es isch atemberoubend gsi wiä äs knirst u knackst het ih däm Gletscher u de isch sonä Isbrockä ids Wasser donnert 😳 das Naturschouspiu wärdä mir niä vergässä 😍

Speter simr de mit ämä „4x4 Bös“ 🚌 ih Nationaupark „Torres del Paine“. Ja u d’Warterei ar Gränzä fürä Stämpu 🚧 isch nid gad ds Highlihgt gsi 🙈 aber dr Park isch drfür sehr ihdrücklech u schön gsi 🏕🏔😎

Hasto pronto mis chicos y chicas 😘