ninanesto
ninanesto
vakantio.de/ninanesto

Santiago de Chile

Veröffentlicht: 18.11.2017

Santiago

Wie im letzte Blog scho mitteilt, hend mir die schönsti Busfahrt vo eusem Lebe gha. 

Mir sind in Santiago acho und hend wiedermol mehr gstuhnet wie schö die Ande sind. Im Hostel acho hend mir gmerkt, mir sind z mitzt im Party Viertel vo Santiago glandet. Es isch eh riese Uni gegenüber gsi, dementsprechend Party, Party & namal Party. Egal wen du dur d Stross durelaufsch, immmmmer isch es Happy Hour. Am Abig hend mir den de Marco troffe, en guete Fründ vo de Schwiz. Er isch ebefalls in Südamerika uf Reise für ca. 2 Mönet. Mir hend zemme es Bierli trunke, eusi Reiseerlebniss ustuschet, er het eus na Tipps geh da er selber mit minere Schwöster 1 Jahr in Südamerika gsi isch. Er isch jetzt mit eme Kolleg vo Chile unterwegs gsi, sie hend eus den kurzerhand anes BBQ oder wies do seget „Asado“ ihglade.

Am nächste Tag sind mir den uf en chline Berg ue, wod anschinend en Blick über ganz Santiago hesch. Ich als alte Bahnfanatiker han den welle das Zahnradbähnli neh zum uegoh. D Muriel hed also ganz und garnüt degege gha zum nid uelaufe. Mir sind uegfahre und mir hend en uh mega Usblick gha uf ganz Santiago und die Stadt isch riiiiiesig. Sowit wied chasch luege Hüser. Umschlosse vo de Ande isch das en unglaubliche Ahblick.


Am Abig hend mir eus uf de Weg gmacht richtig BBQ vo eusne Kollege. Ide Ubahn han ich nid dra denkt, das mir innere Grossstadt sind. Kurzerhand isch mis Portmonait klaut worde. Ich ha nüt mitbecho. Zum Glück isch nur min Führeruswis dine gsi und ca 90 Franke. Ich bi den chli verruckt gsi.. Anderersits han ichs ezt halt glernt, es het au chöne schlimmer cho. Mir sind den bi dem Hochhus acho wos BBQ gsi isch. Es isch uf de Dachtherasse gsi. Sunneuntergang, Latino Musig, guets Esse, Bier, Ussicht über ganz Santiago und gueti Gsellschaft, was wötsch meh? Mir hend en sehr schöne Obig gha und hend eus glichzitig vom Marco müese verabschide, da er richtig Patagonie abe isch. Es grosses Danke Marco a dich für de super Obig.

Am Tag druf hend mir welle eh Tour mache, de Treffpunkt isch a de Catedrale gsi. Jo, mir sind den eimol dur Santiago gloffe, und hend den nach ca 1-2h die Catedrale erreicht. Irgend es blöds Gässli vo absolut garnüt gsi isch. Mir sind komplett a de falsch Ort gloffe. Typisch, uf em Heiweg hend mir den defür no es Portmonait für mich kauft, mit Kettle wo mer cha amache a de Hose. Am Abig hend mir den euse Kolleg troffe, wo mir in Buenos Aires kenneglernt hend. Mir sind eis go neh und er het den eus au wieder igalde zume BBQ bi sich dehai.

Am letzte volle Tag sind mir mit em Carlos go z mörgele. 

Und er hed eus den no 2-3 Örter zeiget ide Stadt. 

Am Abig sind mir den zu ihm hei. Zuesätzlich sind no Arbetskollege vo ihm cho, sie hend den no en Welpe mitgno, als obs es gschmöckt hetet das mir so Hundefanatiker sind. En chline dureknallte Hund. De ganz Abig nur umegseklet, bisse mit de chline spitzlige Zähnli. 

Ich ha mini Wanderschue wiederbecho und mir sind den wieder zruck is Hostel. Danke Carlos für die super Zit und für mini Wandeschue.

Am letzte Tag hend mir uschecket am Morge und hend eus vorbereitet fürs Hitchhike. 

Was das isch? Du fahrsch mit Lastwagefahrer mit sowit wied willsch. Mir hend es Schild bastlet wo durf gstande isch „A La Norte“. Mir sind ezt jedoch scho am neue Ort, aber Details über eusi spektakuläri Reis vo Santiago bis do ane erfahreder im nächste Blog. Und es git einiges zum verzelle, chönd eu freue.

Next Stop : La Serena – Observatorium Areal vo Chile.

Antworten

Chile
Reiseberichte Chile
#santiago#chile#southamerica