Vappu Weekend

Vappu (1. Mai) isch DÄ Fyrtag in Finnland, ds Fescht vode Studente, Arbeitnehmer undem Früehlig Vappu – Wikipedia. Es hei aui Studente u Ex Studente ihri Overalls ane u iri Graduation Chappene. Vieli vö scho vorem 1. Mai ah fyrä u so simer am Donnsti ire grössere Gruppe vo Ustuschstudente ga Sushi ässä u när mit es paarne no witer ine Bar ganes Glas Wy trinkä. Am Samsti simer am Abe iz Heidis i Usgang mit üsne Overalls u am Samsti isch dr Offiziel Vappu gsi. Dä isch leider chli entüschend gsi, es heisech aui Studente ufem Chilcheplatz troffä aber es isch ni würk sone Stimmig da gsi wimer üs das hei vorgstellt u oh z'Wätter isch ni so bombe gsi. Bim Platz hets paar Finnischi Asprache gäh u sie hei dr Statue eh Huet ufgsetzt u när hei aui Finne dr glich Huet ufgsetzt (dä bechöme sie wenn sie d'high school abschliessä).  Am Abe hei de so viu Lüüt i Usgang wöue dases Dränglereie het gäh u eh Rieseschlange u mir hei üs när entschiede üs das ni azudue u sie wieder hei. Ha aber paar interessanti Konversatione gha mit Finne ir Schlange zum Ahstah. Am Sunnti heisech z'Studente mit de Overalls bim Ussichtsturm am Hang troffä u picnic gmacht. Oh mir sie mitere Gruppe härä u hei traditionell Donuts gässä u Sima trunkä. Leider het sech dr Grossteil vor Gruppe eh miesi Grippe igfange u mir sie abem Mänti fasch aui eh Wuche flasch glägä.....