Moi moi Suomi

I chas chum gloube aber scho sie die 5 Mönet umä... Am morge het mi d'Maria zum Bahnhof bracht u i bi zum Flughafe gfahre für hei. Oh wenns mi gad chli hert het ds realisiere, dass das aues iz scho söu verbi sie, bini iz oh doch irgendwie ready für hei, eifach vorauem wiu aui angere ohscho nüm da sie us darum oh nüm z'glichä isch. Am Flughafe acho hani jedoch erfahre das mi Flug cancelled isch worde u so bini mir mitem Voucher ga Snacks une neue Nagellack choufe u när mit paar angerne Schwizzer wos oh verwütscht het ines Flughafehotel gfahre. Dert hani chli chillt, mit Mara g'face timed u miter Esther telefoniert u bi när z'erscht mau i mim Läbä allei ines Resti ga ässä. Am Abe hani no chli gnetlixt u am nächste morgä hani nachem z'Morgä nomau eh alouf gno. Diesmau hets klappt u i bi iz anstatt geschdr z'Züri, hüt Abe in Genf acho. Aus ersts bini mr mau iz Migi ganes Rivella, Züpfe u Chäs choufä u när ufe nächst Zug für i Richtig Inti wo oscho Papi uf mi gwartet het.