Petäjävesi Old Church

Am Mittag bini miter Julie miteme Pendlerzug eh haub Stung nach Petäjävesi gfahre. Dert heimer di auti Chiuche vo 1763 agluegt, diä isch usschliesslech us Holz erbout u zeut hüt aus Unesco Wäutkulturerbe. I bi ja schüsch ni sone Chiuche Fan aber das isch gloub die ersti Chiuche gsi woni mi dinä würk wohl u heimelig ha gfüehlt, ds Holz macht aues sehr warm u es het oh fein gschöckt (sone Mischig zwüsche Weihrouch u Holz). Da d'Verbindige ni so gued sie gsi heimer ingesammt 6 Stund ih däm sehr chline Dörfli verbracht.  Schlussendlech sogar no chli meh wiu dr Zug Verspätig het gha.  Mir sie chli umefloge, hei bir Chiuche ir nechi vom Wasser Picnic gässä u sie no eh Glace ga ha. Zrüg i Jyväskylä simer zu Morton ga Burger ässä zum z'Nacht u när total fix und fertig vor Hitz undem Tag heizueh.