Helsinki mit Osci

Am Sunnti Morgä bini i Zug Richtig Helsinki. Am Flughafe hani mi no mit Stefano u sim Kolleg troffä wiu sie uf ihrä Flug u ih uf Oscar gwartet ha. Wo Oscar acho isch heimer no chli mit Stefano gred u när hani ihm definitiv tschüss gseit. Osci u sie när witer richtig Hostel womer üses Gepäck hei abgäh u sie chli ga d'Stadt ahluegä. Das iz so lang so hell isch u oh am 10i no d'Sunne schient heimer ih denä paar übrige Stunde doch rächt viu gseh. Am Afang simer iz Cafe Regatta, da hani scho sit langem Mau häräwöue. Nach chli must see sightseeing (isch in Helsinki öbe ire Stund gmacht), simer fein ga z'Nacht ässä u när nach Suomenlinna gah dr Sunneuntergang luegä- dert acho simer vore Möwe attackiert wordä u eh Agstellti het üs druf härä gwiesä, dass dert wo mir us häräghocket hei eh grossi Isturzgfahr herscht. Am nächste Tag simer id Market Hall ga z'Morgä ässä (Finnisches Gebäck u Lachssuppe), sie chli umeglofä u im UniCafé ga z'Mittag ässä u sie när gah Lammassaari ahluegä. Zum Abschluss hanim no d'Oodi zeigt u när simer ufe Zug richtig Jyväskylä.