Oscar z'Bsuech in Jyväskylä

Für die nächste paar Täg isch Osci bi mir in Jyväskylä. Am Zischti simer am Vormittag zur neue Sauna Satama Viilu. Isch eh mega schöni u moderni Sauna mit Lakepool und Jaccuzi. Nachem Sauniere simer sehr hungrig gsi u ga all you can eat Sushi ässä. Oscar het 7 Täller gässä u isch när chli im Food Koma gsi. Sie drum id Bibliothek u dert churz häräghocket aber scho gli hetsech d'Julie bi mir gmeldet u mir sie zämä zum einte Tattoo shop, um eh Termin abzmache. Nachdem simer aui 3 zum taivola old churchyard (eine vo mine Lieblingsorte hiä) ga Rüeblichuechä ässä. Am Mittwuch simer id Cafeteria ga günstig z'Mittag ässä u när zum Harju (Ussichtsturm) u hei no eh kurze Abstächer iz Museum gmacht. När hani Oscar d'Uni zeigt u sie när witer zum Strand ir nechi vor Uni womer sie gah Kajak fahre. Es isch suuuuuper windig gsi u mir hei das vou underschetzt. Osci isch scho ide erste paar Minute mit Kleider, Handy u Pass im Wasser glandet hahaa. Er hets trotzdem cool gfundä. Isch recht schwierig gsi mitem Wind u so bini rächt safe immer ir nechi vom Pier bliebä. När simer zrüg iz Appartment. Nachdem mr öbis chlises z'Nacht gässä hei simer am Abe mit dr Julie, Shelby und Bogi iz Hemmingways ufnes Glas Wy. Dr Oscar het umbedingt wöue d'Mitternachtssunne erläbe u so simer bi Sunneuntergang häräglofä u churz vor Sunneufgang wieder hei (tönt iz strüber auses isch, das sie meistens nur so 3 bis 4 Stung usenang). Am Donnsti hets leider grägnet u mir hei usgschlafe u sie chli deheime umepleggeret u am Nami när zum Teeleidi. Am Abe het d'Maria Tacos gmacht u mir hei z'dritt zämä z'Nacht gässä. Am Friti morgä hani Osci no zum Busbahnhof bracht.