Julies Geburi

Bogi het sech gwünscht dasmr zämä gö ga Sushi ässä zu ihrem Abschluss. Da hüt Julies Geburi isch, heimer sogar zwöi Gründ gha zum fyrä. Nachem Sushi ässä bini mit Field no di letschte Bsorgige gah mache für Julies "Geburiparty" am Abe. Mir sie när scho chli früecher härä zur Haukkaniemi Füürstell u hei aus gschmückt mit Ballön und Bilder. Sakki und Fazio hei üs gholfä. Diä angere hei chli gstrugglet wiu sis ni gfundä hei aber wosi aui sie da gsi heimer brättlet, musig glost u Field u Amelie hei chli Gitarre gspiut u mir drzue gsungä. So simer bis um Mitternacht derte gsi u när mitem Taxi zrügg. Da hüt dr längst Tag vom Jahr isch hei Shelby, Field und i entschlosse no ufzbliebä bis zum Sunneufgang u sie no zum See ir nechi vo üsem Appartment bis am 3.