Southern Konnevesi Nationalpark und Spring Ball

Hüt simer am Morgä scho bezytä los für i nächst Nationalpark. Diesmal ischs eh Stund nördlech gange i Southern Konnevesi Nationalpark u d'Julie hetsech üs no agschlossä. Us üsne ursprüngleche Plän dr länger 16k mit Übernachtig z'mache isch leider no ni müglech gsi aber mir hei drfür dr 5k Rundgang gmacht. Hiä isch z'Terrain ni numä houptsächlech flach wie im Leivonmäkki sondern het oh chli Ahstieg, mitem Schnee heimer chli länger brucht ;) isch aber mega lustig gsi, oh wenn vilech mängisch chli sketchy u mir hei schöni Ussichte uf di zuegfrornige See langsam erwachende Landschafte gha. Oh hiä heimer am Schluss no brätlet aber da hüt d'Sunne ni het gschuunä isches doch rächt chaut gsi. Am abe sie d'Julie, d'Amelie, ihri Mitbewohnerin u no paar anderi u ih ah Spring Ball. Mir hei ni gwüsst was üs wird erwarte. Ihrem Motto Hollywood sisi sehr treu bliebe u hei ni numä eh Prom Usschnitt insziniert sondern oh amerikanischs Ässä serviert, auso vo Onion rings, spare ribs über hot dogs aus ufem glichä Täller u drzue hätme sech ohno tradiotionel chönne eh milkshake näh aber das ischmr de auso scho gad chli zu viel des Guten gsi. Aues i auem isches interessant gsi u ha sogar eh Award gwunnä für mini einti Gruppearbeit aber has ni tschegget u bi darum ni ufgstande u füre gange für z'Foto. Nach paar Konzertilage vo Lehrer u Schüeler simer när witer ad Afterparty.