Rentierfarm u Schlittlä

Hüt am Morgä simer wieder früeh uf u sie zure Rentierfarm gfahre wo vo zwöi Sami Lüüt gfüehrt wird. Zersch heimer glehrt wime miteme Stück Holz, emnä Mässer undemnä Magnesium Stick es Füür ir Wildnis cha mache u när simer zude Rentier. I bi froh gsi z'erfahre, dass diä meistä Rentier numä im Winter bi ihrnä Hüeter sie u schüsch dr gröscht Teil vom Jahr frei glah wärdä. Mir hei ganz viu über Rentier und über d'Kultur vode Sami glehrt (d'Uhriwohner vo Lappland). Nachem z'Mittag bini mit paar vode Medels vo üsere Hütte ga Schlittlä. I vergissä immer wieder gärn das Finnland ja kenner würkleche Bärgä het u hamer darum under dr längst Schlittelpistä vo ganz Finnland chli öbis längers vorgstellt gha hahaa aber da hiä Schlittä nüt angers aus Plastikschalene am Bode sie ischmä drfür super schnäu ;) Nachem Ufeloufä simer zur Ussichtsplattform u iz Resti gane warmi Schoggi u sone berüehmte Zimtdoughnout ässä. D'Abfahrt bi Sunneuntergang isch lustig gsi. Womer sie zrüg cho bini wieder id Sauna u när simer ire angere Hütte iglade wordä, isch eh coole Abe gsi u ha echt cooli Lüüt kenneglehrt.