Cross Country Skiing & Husky Safari

Am Morgä het eh Teil vo üsere Hütte früeh ufmüessä, mir sie nämlech gah Langlöifle. Es isch superschön u superastrengen gsi, da i mi z'warm agleit ha isch nach 2h aues düregschwitzt gsi hahaa. Nachere churze Mittagspousä ure churze Duschi simer witer nach Ivalo womer mit Huskies hei chönne eh Schlittehundrundi mache, d'Häufti vor Rundi hani chönne dr Schlitte fahre u di angeri Häufti hanni chönne vore im Schlitte hockä. Da mr di erste sie gsi sie d'Hünd no voller Energie gsi u mängisch fasch ni z'brämsä gsi ;) Womer sie zrügcho heimer zude Wälpe inächönne u se ga strichlä. Diä sie ja super süess gsi dasi se am liebstä gad hät wöue heinäh. Wo die angeri Gruppe isch zrüg cho hei de ono di grosse Hünd chli wöue gstrichlet wärdä. Mir sie wieder zrüg u hei z'Nacht kochet u eh Teil vor Gruppe isch ga Schneeschuehloufä u i bi mit 3 anderne ufe Wäg für ga z'Nachtschlittle. Es het aber fescht gschneit u mega gluftet u bim ufeloufä sie üs no es paar anderi vo üsere Gruppe entgägächo wo üs gseit hei dases z'gfährlech sigi u si d'schlittelpiste darum gschlossä heigäh. So simer haut wieder abe u hei üs mitere Rundi Sauna ufgwärmt.