Kemi Snowcastle & Santa Clause Village

Am 1 ir Nacht simer bi üs in Jyväskylä losgfahre für ab i Norde. Nach ni würk viu Schlaf simer am Morge in Kemi ga ds Snowcastle aluegä. Sie hei rächt viu Zyt iplanet gha für das u so heimer ir Isbaar no es Kaffee trunkä. Paar Stund später hets nomau eh Stopp gäh für ga z'ichoufä. Da es paar Tag vorhär dr einzig Supermarkt in Saariselkä isch abebrönnt heimer Ichöuf für die ganze 4 Täg müesse plane. När simer witer nach Rovaniemi zum Samichlous (das isch nämlech dert woner offiziel wohnt am Nordpol ;)) Santa Clause Village gseht zwar mega gued us vo usä aber besteit houptsächlech us verschiednige Souvenirshops was mi chli entüscht het (plus faus me es Foto mitem Samichlous hät wöue hät das über 30 Euro chostet). Nach fasch 18 Stund simer de in Saariselkä acho u hei üsi Hütte bezoge. Sie isch chli äng für so viu lüüt aber het drfür eh Sauna womer ah däm Abe oh gad hei igweit. Säubstverständlech uf di finnischi Art, sprich miteme Bierli und abchüelig im Schnee.