ersti Schuelwuchä

Zum Teil hani zwar ersch eh Tag vorhär erfahre obi im Modul agno bi wordä u wie u wenn dases stattfindet aber irgendwie het de doch aues klappet. Diä meiste Modul sie diesä Monet no online. Am Mittwuch heissi aber eis Modul vor Ort agseit gha u so bini z'erscht mau offiziel id Schuel. Nachdem i 10 Minute bi ir Vorläsig ghocket heissi när dr Häufti vor Klass verkündet dass sie üs ufe Donnsti legä u mir morn wieder söue cho. Da i aber am Mittag no eh Termin ha gha für mi Finnisch ID Code z'mache (das muessme hiä anschienend aus Ustuschschüeler) hani när 3 Stund ir Schuel chönne warte. Zum Glück hani ir Mensa es paar vode Argentinier gseh woni kenne u chli bi ihnä chönne härähockä. Ume Mittag umä heissi ir Mensa ufeme riesä Bildschirm Olypmia Langlöiflä übertreit. PS; Finnland isch sehr Studentefründlech; Mensa Ässä chostet hiä miteme Studenteuswies nid emal 3 Euro u meh bechunnt fasch ih aune Gschäft Studenterabatt. Plus heissi so öbis winä Studentekultur, es git so Overalls wo jede Student bechunnt u jedes Departement het eh anderi Farb u weme  ah Aktivitäte teilnimmt bechunnt meh eh Badge wome cha anäie. Anschiened gits oh jährlech im Herbst eh Party wo när aui mit däm Ahzug härägöh. Scho chli schad gits so Sache ir Schwyz ni.