Mussalo- Hakkenpää- Naantali

Am Morgä simer vom Camping in Mussalo circa eh haub Stund ufegfahre u hei morgendleche Kafferitual imnä härzige Kaffee gha u dr Terrasse. När simer ca. 12 km witer gfahre aber i ha äuä chli z'viu Sunnä abbecho geschdr u bi ni gad würk i topform gsi u has mitem Gägewind oh easy astrengend gfundä. Zum Glück heimer paar Stund müesse todschlah wiu d'Fähre ersch am 4i isch cho u so heimer im Resti am Hafe Spieli gspielt u üs när später ono eh Fior di Latte Pizza bsteut. Sie hei eh richtige Steioffe gha u isch bis iz echt mini besti Pizza gsi hiä z'Finnland. Gstärkt mit Pizza u Glace simer när uf d'Fähri wo nomau rund drüviertelstund isch gange. Nach dr Fähre heimer nomau 30 km vor üs gha wo aber när super gäbig sie gange zum Fahre. Bim Zäutplatz acho simer zersch mau ga duschä u när ga ds Stedtli ahluegä. Imnä Supermarkt heimer üs Chäs u Brot kouft u hei üs bi eim vo denä schöne aute Holzhüsli uf d'Stägätritte ghockt u üses z'Nacht gässä u cooli Gspräch gha über z'Reislä u üs Gägesitig üse Heimat zeigt.