Mossala- Iniö- Taivasola- Mussalo

Hüt isch so z'säge der Tag der Fähren gsi. Am Morgä heimer ga direkt vom Camping eh Fähre nach Iniö gha wo eh Stung isch gange. Nach circa 5 km fahrä isch de scho die nächsti churzi Fähre cho u nach dere ischs oh numä ca. 7km gange bis zur nächste. Dert heimer när 2 Stund müesse warte uf d'Ahschlussfähre u mir sie wie me äuä langsam weiss, ganes Kaffee trinkä u hei chli am Wasser chillt. Diä Fähre isch aber de di letschti gsi u mir sie 16km zur Unterkunft gradlet. Es isch eh sehr beläbte Camping gsi aber wiu mir die einzige mit Zelt u Velo sie gsi heimer dr ganz Felsvorsprung wo für z'Campe reserviert isch für üs allei gha. Nachdem mr üs igrichtet hei simer id Sauna u hei üs später Pasta gmacht u die wunderschöni Abestimmig gnosä.