mascha-suomessa
mascha-suomessa
vakantio.de/mascha-suomessa

Naantali- Turku- Jyävskylä

Veröffentlicht: 10.06.2022

wie immer simer nachem Zäut zämä packä ganes Kaffee näh u hei när am Wasser üser Räschte zum z'Morgä gässä. Nachdem heimer üs ufe Wäg gmacht für die letschti Etappe (hüt numä 29 km). In Turku acho heimer zersch wieder au üser Sache bir Bella härägstellt u duschet. Nachdem simer id Stadt u hei ir Studentemensa z'Mittag gässä u sie ines härzigs Kaffee ganes Kaffee trinkä. Mir hei beidi ide letschte Täg rächt viu Sunne abbecho u sie augemein rächt kaputt gsi hahaa. Nachdem simer zum Träffpunkt womer däm Outdoor dude üses Zäut u Schlafsach etc. wieder hei zrüggäh u när heimer üser Velo abgäh u i bi mitem Bus wieder richtig heizueh. Deheime acho hani numä churz öbis gässä u miner Sache deponiert u när bini no iz Hemmingways zu Stefano, Shelby, Bogi, Amelie, Julie und Melinda ganes letschte Glas Wy ha wiu Stefano morn Jyävskylä verlaht. Bim heiloufä heimer no di schöni Abestimmig gnossä.

Antworten