Helsinki

Hüt bini am Morgä no ad Uni u när am Mittag ufe Zug richtig Helsinki. Dert hani när Mara u d'Nischu troffä womi fürnes paar Täg chömmä cho bsuechä. Woni bi acho heimer zersch chli gred im Hostel u sie när iz Harju8 gah fein z'Nacht ässä. Nachdem heimer üs mitem Eetu (das isch dr Finn wo mit mir im Highschool Exchange in Amerika isch gsi) inä Bar öbis ga trinkä u chli plöiderle. Hane scho sit 7 Jahr nüme gseh gha. Am nächste Morge simer zum GreenHippo fein ga z'Mörgelä u när miter Fähre nach Suomenlinna. Womer wieder im Hafe sie acho simer id Markthalle ga sehr feini Lachsbrötli u Lachssuppe ässä u hei no es Dessert ufe Wäg gno. Bevor mr när ufe Zug für nach Jyväsyklä sie simer no chli dür d'Stadt gschlenderet u hei eh Halt bir Oodi gmacht, ere mega coole öffentleche Bibliothek womer chli sie bliebä u hei chillt. In Jyväskylä simer churz üser Sache bi mir ga härädue u hei üs parat gmacht u sie när i Usgang. Isch echt eh sehr coole Usgang gsi u mir sie bliebä bisi hei zuegmacht.