Paljaspää - Muuratsalo

Nachem usschlafä u usgiebig z'mörgelä simer am Nami id Stadt chli ga Secondhandshoppä u ga Käffelä. Womer sie zrüg cho hei d'Mara u d'Maria Burriots gmacht u i probiert mini Arbeit fertig z'mache. Womer gad hei wöue afah ässä heimer gseh das dr Nordliechtalarm het azeigt u so simer use ga Nordliechter suechä. Mir heisse de oh tatsächlech gfundä aber dr Himmel isch jetz scho chli z'hell ir Nacht dasme se vo blossem Oug gued gseht. D'Burritos heimer när fangs um Mitternacht gässä. Am nächste Morgä heimer wieder ugschlafe u gued z'Morgä gässä u när simer mitem Bus nach Muuratsalo. Dert simer chli am See entlang u när zum Ussichtspunkt Paljaspää glofä. Womer sie zrüg cho simer no öbis ga trinkä u när ga Sushi ässä.