Früehligswuchä

Am Mänti mach mim Geburi hani mini einzigi Abschlussprüefig hiä gha, Finnisch für Afänger. Bulemie glehrt 40 Minute vorhär hani im mündlech u im schriftleche mit dr bestä Note bestande (Schuel isch hiä ziemlech easy peasy). Am abe hani no eh Spaziergang gmacht wiu z‘Wätter schön isch gsi u d‘Sunnä iz ersch am haubi 11i undergeit. Am Zischti heimer am Abe eh Movienight gmacht u Twillight gluegt hahaa. Am Mittwuch simer am Abe ga dr Sunneundergang luegä u hei ufem Steg es picnic gha. Bis d‘Maria u mau bir Gruppä sie gsi isch d‘Sunnä zwar scho dunde gsi. Am Donnsti bini miter Maria iz office building ga z’Mittag ässä (dert chame aus Student für 2.70€ fein u gued ässä), hei per Zuefall ono Stefano u Akos troffä wo z’glichä hei vorgha u mit ihnä gässä. Akos isch wieder ga schaffe u mir angere id Bibliothek ga schaffe fürd Schuel. Am Friti bini miter Maria zummä coole Resti bim Kilchepark (bistro kirko) mir hättä eigentlech z‘Morgä wöue aber d‘Finnä ässä abem 11i scho z‘Mittag auso heimer z‘Mittag Menu gno. Isch mega fein gsi u hiä si Prisä zum uswärts ässä oh vou fair. Nachdem bini hei für mini online Vorläsig u när simer am Nami nomau usä zum Teeleidi ga Tee und Chuechä ässä.