Akunft in Lofoten, Norwegä

Am Sunntig am 8. Mai simer am Nami vo Jyävksylä uf die lange Bustour richtig Lofoten, ganz im Norde vo Norwegä. Am nächste Morge simer när derte acho (für mi mit circa ere Stung Schlaf, wius gar nie würk dunkel isch wordä). I ha drfür chli d'Sunneuntergangs resp. ufgangsstimmig in Schwede gnossä z'Mitz ir Nacht ;). PS: z'erste was me ar Grenze vo Finnland zu Schwede gseht isch es IKEA hahaa. Item.. womer in Lofoten, gnauer im Houptort Svolvaer sie acho heimer üse Guide troffe wo gseit het das dr Rägä u dr Näbel leider dr ganz Tag wärdä bliebä u so simer nachem z'Morgä direkt zur Unterkunft. Mir wohne i aute rote Fischerhüttli direkt am Meer, würklech mega härzig. Am Nami simer zum Lofoten Aquarium u när gmüetlech ga Pasta chochä u scho gli ga liegä.