Pukekura-Hokitika-Pancackrocks-Westport-Denniston-Mokihinui

14.02.2020

Hüt simer wider vo üsem schöne Free campingplatz abgfahre, erst halt Hokitika. Isch es ganz es härzigs dörfli gad am Meer mitemne mega schöne Strand. Es het vode Unwetter fiu Holz a Strand geschwemmt gha, jetzt hei Lüt u Künstler agfange verschidnigi Sache z Bouä isch sehr idrücklech gsi. A dem Strand heimer de o 2 Delfine churz gseh ide wällä Surfe. De simer no id's dörfli es Kaffi go drinke u Jadesteine go aluege. Das Dorf isch schins bekannt für sini grüene Steine. Pancackrocks isch Dr nöchst halt gsi, isch schön di spezielli Form z gseh vo denä Steinä aber isch jetzt nid dr absolut Wahnsinn gsi. Ner simer no e auti Kohleminä go aluege ds Denniston. Isch no cool gsi, het keni Lüt gha wiu z Wetter nid so super isch gsi, aber isch no idrücklech gsi. Mi het eue e bombä Ussicht gha wens schön Wetter wer gsi. Witers Ziel isch gsi um Mokihinui e Camping z fingä, heimer de oh. D West küstä isch je witer mä hingere Fahrt umso weniger Turistisch. U dert hinger hetmes scho gmerkt, es isch alles fiu unkomplizierter gsi, d Landschaft meega schön u so unberührt, Kilometer längi Stränd. Dr Camping womer gfunge hei gha isch no Gross gsi vor Flächi, d Besitzerin het ono es Cafi gha ufem Camping wo si selber bachä het, u schüsch isch alles sehr suber gsi. Ner isch de dr Tag scho wider z änd gsi u mir si nachem Znacht ga schlaffe.