Mokihinui-Wharariki

15.02.2020

Hüt simer ufgstange u hei üs I dem härzigä Kaffi es mega feins Muffin u es Kaffi gönnt isch troumhaft fein gsi. Ner simer witer richtig Wharariki mit Zwüschästop am beach Parapara. Sehr schöne unentlech länge Strand. Nachere chline pousä simer witer über Collingwood es ganz es chlises härzigs fischerdörfli zum beach Pupunja, de isch ganz im norde vor Südinsle. Isch e mega schöne Strand eine vode schönste woni je ha gseh, meeega läng, mönsche lär u ner louft me uf ne Sänddüne ufe u gseht eifach nume Strand u Meer ungloublech schön. Z Wetter isch nid z beste gsi aber trotzdem e unvergässlächä Moment gsi. Bim zrug loufä zum Camper isch üs de wider mau bewusst worde wi krass das d ebe u d fluet chunt u geit. Dr Strand isch plötzlich gueti 500m breiter gsi. U di 1000gä schwärzä Schwän si plötzlich ganz wit usse gsi. Isch schins es bruätgebiet vo vielnä Vogelartä. Ner simer ufne Camping gad ir nöchi, chli im Chrut ussä aber schön. Het freii rösser u pfäu u ente u so gha. Das wer de dr Tag o scho gsi u scho wider isch Abe gsi