Veröffentlicht: 16.02.2020
13.02.2020
Mir si hüt am 7ni gstartet vo Kingston nach Pukekura. Vo Berge u wunderschöne Seeä zum Meer, Regewald, Stränd u ab u zue no e Gletscher :) Zerscht isches los gange nebe Wanaka düra übere Hasst Pass zum Knights Point, sehr e schöni Strecki zum fahre u sehr kurffig. Z Wetter isch so gsi Wi euch immer. Einisch sehr schön u ner wider nid so, aber immer schön agnehmi 25°C. Ner isches witer gange nebem Fox Gletscher verbi zum Franz Josef Gletscher. Dert simer de Hingere gloffe bis öppe 800m a Gletscher härä. Isch öppe 3h gange hi u zrug. Womer Zrug si gsi simer uf d Suechi gange nacheme free Camping. Mir hei de eine Gfunge in Pukekura chli abgläge gad voreme risigä Strand wo Endlos läng isch gsi u Mönschelär, eifach wünderschön. E öppe 80 Päpu isch mit sim uralte Landrover de no es usfährtli ga mache mit sinä 3 hüng 2 vorne bi Ihm u eine uf dr Laderampe u das schön am Strand nachä :) So steutme sech doch D Pasion vor hahah. Mir hei de Znacht gesse u si no dr Sunneungergang go luege u ner ab ids Bett. U zerscht mau heimer dörfä vorlieb nä mit dä berüähmtä Sandfligen Aiaiaiai.