Uretiti-Waipu Forest-Tinopai

08.03.2020

Hüt simer dr Sunneufgang go luege a Strand isch mega schön gsi. Ner bi ig witers i richtig Waipu Forest u di angere richtig Auckland. Isch e lustigi begägnig gsi. D Fahrt isch 2.5h gange, gar nümme so fiu, wenmä sech scho dra gwanet isch länger z fahre. De isch plötzlich 1h fahre kurz. U ir schwiz bisch i 1h scho usem Land haha. Woni acho bi bini di 2 gröschtä bäum go aluege einisch Tane Mahuta (Im Maori bedütet de name "Gott des Waldes" ) , dass isch dr gröscht Baum vo Neuseeland u eine vode gröschtä vor Welt. Es isch ä Kauri Baum, er misst 51m ir höchi und het e Durchmesser vo ca 4.5m, es risigs Ding. E mega schöne Wald isches gsi, so chli wi ir schwiz eifach no mit Palme u me Regewald dinä. Ner bini no dr 2 gröscht go aluege, dr Te Matua Ngahere (In Maori bedütig "Vater des Waldes") isch o ä Kauri Baum gsi es bizli chliner aber immer no riesig. Si immer so churz Wanderwägä gsi bis zu denä bäum, isch guet gmacht gsi. Ner bini de wider us dem Waipu-Forest gfahre richtig Tinopai. Es abglägnigs dörfli gad am Meer. Dert bini ufnä sehr eifach u schöne Camping gange. Di Lüt empföh di do eifach gad so härzlech emu wen äbä chli nebe usä uf ne camping geisch.