Nicht mehr lange

Bald isch es sowiit und ich haus ab uf Cartagena für 6 Wuche. Ich freu mich uf neui Useforderig, neui Lüüt, neui Sprach und villi tolli Erläbnis.

Die erschte Vorbereitige sind gmacht und es fählt doch no so einiges. Was ich alles mitnimm weiss ich nonig aber das hät au no biz Ziit. 

S'wichtigst isch gmacht. Dä Flug isch buechet und Sprachschuel isch au reserviert. Ich wird jewils am Morge id Schuäl gah und 3 Mal i dä Wuche ä Salsa Stund ha.

Jetzt muni nur no i dä nögschte Täg no dä Iistufigstest mache, obwohl ich ja weiss, das ich null Ahnig han vo Spanisch. Bis jetzt chani grad mal äs Bier bstelle :) was natürli scho mal en Läbensnotwändige Satz isch.