Svolvaer hike & Trollfjorden cruise

Hüt morge heimer üs ready gmacht u d'Wohnig fertig gmacht. När simer mitem Bus nach Svolvaer, u vo dert sie es paar ga Kanufahre u die angere sie eh chline Hike gah mache. Womer no nimau obe sie gseh meint dr Guide so zu Thom, Julie u mir das mir schüsch oh dr gross Hike chöi mache, er gsöchi dass mr das schaffe. D'Julie isch nach paar 100 Meter umkehrt u so sie Thom u i dä riesä Hang vou Schnee ufeglofä. Aus eh 2 Meter grosse Holländer heter eh erhebleche Vorteil gha bi de riesä Trittä, i ha zum Teil echt gstrugglet u probiert ni dra z'dänkä wini wieder abe chumä. Obe acho heimer eh meeeega tolli Ussicht gha u sie die einzige Lüüt wit u breit gsi. Abe bini eigentlech fasch numä grütscht, mängisch ufem Füüdle wenni gheit bi u schüsch mit de Schueh gslided. Diä sie när Pflotschnass gsi :/ mir sie när uf Trollfjorden cruise u i ha zum Glück vor Nadine dörfe ihri Ersatzschueh uslehnä. D'Cruise isch fasch 3h gange u mir sie vo Möwe begleitet worde u hei ufem Rückwäg sogar no drü Adler gseh. Zrüg vor Cruise simer uf die längi Busfahrt hei