Sauna und Avanto- Savutuvan Apaja

Nachdem i vo Lappland bi heicho hani mr leider Corona igfange u paar Täg müesse deheime umehockä. Hüt bini aber am Nami endlech wieder usä u i bi miter Maria und dr Julie zure Sauna/Restaurant wo normallerwies aus Location für Hochzytä u Grossahläss gnutzt wird. Währender Feriewuchä hets aber sones Special gäh für Iisbade (Avanto) und Sauna. Es isch eh sehr auti Sauna gsi, bimer vorcho wie im Mittelalter hahaa u die ganzi Location isch mega cool so chli im Shabby Stil ghalte. D'Locals wo oh dert ihr Sauna sie gsi sie super lieb gsi u hei üs vo sich us agsprochä u afah Frage stellä u Tips gäh (öbis Säutnigs für Finne). Z'Iisbad isch no chäuter gsi ausi mrs vorgstellt ha aber oh es must Erläbnis findi ;) Nach dr Sauna simer no i Kaffee und Kuchen. PS: hiä ischs dr Tag dür langsam am wärmer wärdä darum sie aui Strasse total veriiset, was echt müehsam isch zum loufä wemä eh Tollpatsch isch ;)