Nachbarschaftsträff

Hüt bini mitem Thai wo under üs wohnt ih Prisma. Das isch eh finnischi Supermarktketti wo aues verchouft vo Schwizzer Pfannene bis zu Ässä u Chleider. Isch leider chli wit wäg vo dert womer wohne u me het mitem Bus circa 30 bis 40 Minute. Woni wieder bi heicho hei mini Mitbewohnerin u i dänkt es wär no cool die andere Lüüt kenne z'lehrä wo bi üs ir Unterkunft wohne u so hani diä 2 Thai Jungs wo under üs wohne iglade us sie het eh Gruppe vo Argentinier iglade. Mir sie schlussendlech 10 Lüüt gsi u hei eh coole Abe bi üs ir Chuchi gha. Z'Bild zeigt mi u dr Matti wimer eh Thailändische squid snack (das isch trochnete Tintefisch) usprobiere. Es isch scharf gsi, das isch öbe oh z'einzige feine dran gsi.