Ishockey, Skine uso

am Zischti bini nach dr Schuel ah letscht (für mi dr erscht) Hockeymatch vo JYP, sie hei gägä Helsinki gspielt u sogar gwunnä. Anschienend sigä sie diesi Saison rächt schlächt gsi. Am Mittwuch bini am Nami ga Skinä. Ds Gebiet isch super chli aber drfür mega nach vor Stadt. Es het circa 4-6 Abfahrte u bide meiste gsehsch z'Endi scho wedä obe steisch. Drfür het z'Skigebiet bis am 8i offe auso chame währendem Sunneuntergang Skinä. Am Abe simer när iz Heidis u am Donnsti no gad Mau wiu St.Patricks Day isch gsi. Am Samsti bini miter Julie id Stadt ga Ichöif erledige u mir hei no eh Abstächer zum Ussichtsturm gmacht. Am Abe simer när are Homeparty mitem Motto Summer iglade gsi in Kortepoja (auso bide Uni Lüüt). Am Sunnti isch super schöns, ja scho fasch Früehligswätter gsi u bimer gane Yogamatte choufä u när via See heiglofä u chli Sunnä tankt.