Invent for the Planet Weekend

Vom Friti bis am Sunnti hani amne Hackathon teilgno womer hei müesse Lösige finde/Ideene entwicklä für Problem vor hütige Wäut. Organisiert wird das vor MIT in Texas u es nähme Universitäte vo überau vor Wäut teil (für diä wos interessiert hiä isch dr Link; Invent for the Planet | Texas A&M University Engineering (tamu.edu)). Viel vo de Need Statments sie darum oh rächt technisch usgleit gsi. Üses Team besteit us zwöi Finne, ere Dütsche, emne Inder u mir. Nach afänglechem Struggle heimer üs de irgendwie gfundä u es Projekt uf d'Bei gstellt. Mir hei üs mitem Thema Vision Impariment befasst ih Drittwäutländer, was eis vode riesä Problem isch i denä Breitegrad. Es isch ächt idrücklech gsi mit was au diä Teams i numä ämnä Weekend sie ufcho. Nach üsne Pitchs heissi zum Abschluss für aui Pizza bstellt. Es isch sehr astrengend gsi (am Friti z.B. simer bis am 10i ir Schuel gsi u am Samsti hani am 6i scho wieder müesse ufstah) aber es isch eh mega spannendi u heruseforderndi Erfahrig gsi u i ha iz sogar mau Locals kenneglehrt ;)