Busy week

Am Mänti simer direkt nachem Finnish for beginners anes ESN Hangout. I ha dr ganz abe zwüsche Sauna u Jacuzzi verbracht u neui Lüüt kenneglehrt, isch echt cool gsi u bis iz sie d'Lüüt vor Uni meh miner aus diä wo bi mir ir Schuel sie (liegt wahrschindlech am 7 Jahr Altersunterschied ;)). Am Dsischti het üsi Schuel eh Back to School Party organisiert, isch aber ni so cool gsi u mir sie rächt früeh wieder hei. Am Mittwuch bini miter Julie, dr Sarah undem Thom ga Schneeschuehloufä, womer dert sie acho heimer aber müesse feststellä dasme Schneeschueh numä am Wuchenend cha mietä u so simer haut ohni Schneeschueh gange. Da i bi vorus glofä heimer chlinä Umwäg gmacht ;) Am Abe hei d'Argentinier es Füürli gmacht u mir hei Marshmallows gmacht. I bi aber so kaputt gsi dasi scho gli mau bi ga schlafä nach däm. Am Donnsti abe hani mi sponti lah überredä vor Shelby für no iz Heidis mit paarne womer bim ESN Hangout hei kenneglehrt. Am Friti simer es paar zämä vo üsere Unterkunft inä Club. Ganz schön viu Program verglichä mit de letschte paar Wuchä hahaa