Archipelago trail Turku- Pargas- Nagu

Nachem z'Morgä simer üser Velos gah abholä u sie nomau hei aues gah packä. När simer los richtig Karina und bis Pargas düre gfahre. In Pargas heimer üsi ersti Pousä gmacht u es Kaffee trunke u öbis gässä. När simer witer richtig Nagu womer uf haubem Wäg üsi ersti Fähre hei gno. In Nagu acho simer nach 63km de doch rächt kaputt gsi aber z'Velo fahre het Spass gmacht u mini Kondition het sogar irgendwie mitgmacht. Amnä Strand heimer de üses Zäut ufgschlage, das hiä kenner offizielle Campings git. Mir sie de z'härzige Städtli ga ahlugä u hei imnä Kaffee öbis trunkä. Später heimer am Strand üsi Pasta kochet u gässä u sie gli drufabe gah schlafä.