Brother am See

Plant isch en kurze Abstecher an See zu Barbara und Martin gsi - es Bier und en Sprung is (kalte/warme) Nass. Worde isch en ganze Obig mit Pizza, See-Eroberig und s'5-fache a goldigem Wasser. D'Aya hetti is Training sölle, het sich denn aber duregrunge, im letschte Moment glich no abz'säge. Zu gross wär d'Empehrig gsi, uf die perfekte Pizze vom Neu-Pizzaolo Onkel Martin z'verzichte (wegem Füürverbot het er kurzerhand sini Passion vom Grill-Guet zu de Pizze müesse wechsle). Am Schluss hets no e kunstvolli Verewigung vo de Chline geh und us luuter Übermuet vo de Grosse sind alli nomol klatschnass worde (Wasserschlacht). Wo's de Hünd denn endgültig z'viel worde isch, het d'Mamma endlich dureboxe chöne zum hei go... Immerhin het döt no packt werde müesse. Aber en schöne Abstecher gsi 😘