Arrived in Delhi

Quick Update. Hocke grad ufem Rooftop und verfasse min erste Bricht. 

Yees wiäs de Titel scho seit bini jetzt in Delhi ahcho. D`hiereis het im gross und ganze guet klappped, Ethiad Airways isch würkli sehr empfehlenswert. Super Movies zum luege 😉 De Flug vo Züri mit Layover in Abu Dhabi und den directly nach Neu-Delhi isch um die 9 Stund gange. Wo mer am Flughafe in Delhi ahcho sind hani mer nur denkt "Was mach ich do". Erinnerige vo Kathmandu, wo doch au schowider sechs Johr her isch, sind sofort uecho. De wunderschöni Flughafe mit gelblich verleitem Teppich isch am Morge am drü mit Mensche überfüllt gsi, eis gedränge und geschreie, Lüt undgeduldig und mir voll im Gschehe dinä. Collegin wo ebefalls en Monet in Indie verbringt und ich hend bi de Immigration churz e agspannti Situation möse durre mache. Natürli het de Mr. Erb Unterlage vom E-Visa vollständig debi gha, jedoch isch irgendwas falsch gsi. "Thats the wrong paper, i can`t let you go in" häts usem Zollhüsli tönt. Nach es bizzli Klärigsbedarf und chli lächle hetter mi den doch passiere loh. Nebst dem das min Koffer kapput in Delhi ahcho isch, simmer sehr dankbar gsi isch alles so guet gange. Jetzt nur na ab is Hotel und ab go pfusse.

Am Nächste Morge hani gar ned so recht gwüsst woni bin. Spötestens woni bim Zmorge, es in Indie bekannte "Nan" Brot gässe han, wo mit grüner Chilli gfüllt gsi isch und sich meh Flüge wie Mensche am Buffet bediännt hend, ischmers wider in Sinn cho. Ich bin ahcho, innere Stadt mit fast 20. Millione Ihwoner, unglaublichem Verkehr und sehr dreckiger Luft. Hello Delhi. Eventuell chunt eu die Startphase vo dem Bricht grad chli negativ in Hals. Ha Afangs scho grad chli de Ablöscher gha aber au hani gwüsst das mir nur zwei Täg in Delhi werded verbringe. Scho bald gahts ja los richtig chinesischi Grenze ab i Berge. 

Nachere 15. stündige und kurverichä Busreis durd Nacht, miterem sickness bag ufem Schoss, simmer i dem Dorf ahcho. Dette bleich usgstiege (sogar die Iheimische), hett üs es indisches Ehepaar herzlich in Empfang gno. Sie hend mega Freud gha hemmer de witi Weg ufüs gno. Die erste zwei Täg hend mir den mit dem christliche Eheepärli verbracht, sie hend üs sehr viel über ihri Kultur verzellt und wie sie ihren Glaube als Christe uslebed. Unteranderem hends üs inen hinduistische Tempel mitgno, womer en chline Ihblick hend chöne ha wied Hindus ihri Götter worshiped. Es isch krass was für Ritual usglebt werded und was für Ufwänd die Hindus betriebed um ihrne Götter z`diene. Mich hett das sehr nachdenklich gmacht und teils au beängstigt, bi den au froh gsi hemmer dette wider chöne use. Am gliche Tag isches für üs den mitem Taxi witter gange, uf Wunsch vo mir hend sie spontan en drütägige hikking trip i de Himalayas chönne organisiere. Und do bini jetzte, leider isch de Trip ufgrund vo schlechtem Wetter und Schneefall uf Morn verschobe worde. Hüt werdemer Ziet nutze zum Lüt im Dorf go zbsurche und gseh wie uf de Felder schaffed. So isch de Plan zumindest kommunziert worde.

Ja Freunde ich hoffe ha eu schomol erste chline Ihblick chönne geh was bi mir so lauft. Ich merke es brucht Ziit zum sich do ihzlebe es lauft sovieles eifach anderscht. Komplett e anderi Kultur, schwierigi Lebensbedingigä, völlig anderi Istellige wo zu Disskusione führed und sprachlichi Barrierenä. Plän werded innerst kürze über de Huufe gworfe, so mue me flexibel und verständnissvoll blibe. Lüt do gebed ihres beste zum üs es Lebe do zvereifache. Sie sind sehr liebevoll solang dasd sechsmal am Tag Tee trinksch und de Riis suuber ufissisch.

He ich freumich uf die Ziit und bi gspanne was Gottes Plan isch. 

Hebed eu Sorg und bis bald. Be blessed <3