Mer siind doo😍

Müed vo da lange Reis, aber überglücklich und uu gspannt wa üs morn do bi Tagesliecht erwartet, stossed mer no uf üse Feriestart ah, nocher gohts zersch mol e paar Stündli go schlofe.. Es hett alles suuper klappet, sind überall ribiglos durecho, au wenns mengmol bitz ufwendig gsi isch dur dia viele Kontrolle. Aber da muss si😉 Dia erste paar Meter uf amerikanische Strosse, mitema fremda Auto, sind gad no bitz speziell gsi, isch doch alles bitz andersch wia i da Schwitz😉 Üses Mietauto isch en Kia Soul, in blau, bis am Donnstig Morge. Mitm Englisch kämpfed mer üs dure, me münd zersch bitz dricho, d Amerikamer reded üs fast bitz z schnell😂 Morn morge gohts richtig Yellowstone, me freuued üs sehr, müss gigantisch si😍 Guued Nacht ihr lieba, mer liged a paar Stündli ane😲 Grüessli vo üs