Te Anau-Invercargill-Kingston

09.02.2020

Super Wetter gsi scho womer ufgstange si. Ner heimer üs ufgmacht u Invercargill, sehr schöni Landschafte u je nöcher mir zum Meer si cho desto grüener isches wordä, leider oh desto grüsiger z Wetter. Wo mir bim M'Crackens Point si acho isch z Wetter gar nüm guet gsi, het gwindet u isch öppe no 10°C gsi, mir si de no witer gfahre nach Invercargill wo mir si go Ikaufe. Eigentlich hei mir vor gha üs e Free Campingplatz am Meer z sueche aber isch so grusig Wärter gsi das mir üs entschide hei wider gege Queenstown zue z fahre. Wider a mim lieblings Kaffiwagä verbi bis uf Kingston wo mir e wunderschöne Free Campingplatz hei gfungeni super Wetter u 26°C, gad direkt am See. Hei sogar chönne go Bade. Spöter heimer de no Kochet u dr Abe gnosse a dem wunderschöne Platz.