Marahau-Rai Valley

17.02.2020

Hüt am 6i Tagwach gsi. Ner simer am haubi 9i zum Wassertaxi gange wo üs de üs zum Bark Bay bracht het. Isch no witzig gsi, da si jo so krass eppe u fluet hei hets am Morge no ke Wasser gha bim steg. De bisch id's Boot gange ufem ahänger u si hei di de mitem Traktor ufem ahänger bis ads Wasser härä gfüert. Womer de nachere wellige Fahrt mitemne churz Abstecher zum splitappelrock si acho in Bark Bay im Abel Tasman Nationalpark heimer üsi 4h wanderig gstartet. Z Wetter isch nid guet gsi het liecht grägelet u isch bewölkt gsi. Aber bi derä Wanderig heimer üs trotzdem di wunderschöne Stränd u Regewaldlandschaft nid entgala. Isch e mega schöni Wanderig gsi. Mir si bis zum Anchorage Bay (Dert heimer no wildi söi gseh) gloffe womer ner wider vom Wassertaxi si abgholt worde. Chum zrug bim Camper simer witer nach Nelson Id Stadt es Kaffi go ha u no churz go ikaufe u ner e chli usserhalb uf ne Freecamping z Rai Valley. Het leider no immer chli geregnet.