Glenntunnel-Arthur Pass-Akaroa

20.02.2020

Erste haut isch hüt Arthur Pass gsi mit dr Fahrt düre wunderschön Arthur Nationalpark. Dert heimer es Kaffi drunkä u hei d Bergpapageiä bestunt wo am Randaliere si gsi bi dä Camper. Witer simer ner bidä Castel Hill Rocks verbi isch o sehr idrücklech gsi. Di Landschaft dert obä isch eifach 1zu1 wi im nä Herr der Ringe Fium. Z nöchstä Ziel isch dr Camping Onuku Farm gsi ir nöchi vo Akaroa. Isch ä lengeri fahrt gsi bis dert, am schluss si d Strasse immer enger wordä. Chum acho simer beidruckt gsi vo derä Farm, mega eifach alles u glich mega cool wisi das gstautet hei, ou mit de hütli wome no het chönne miete u isch o no es Hostel gsi. Eifach mega abglägä. Dert heimer de kochet u hei ner dert ufem Camping übernachtet.