Meer Zonnen, en Quizzen!
Nou, Ao Nang Beach is geweldig. We hebben een heerlijk bruin kleurtje gekregen en we werden in onze stamkroeg, een Ierse pub, uitgenodigd om mee te doen aan een quizavond. Dus...

Veröffentlicht: 08.01.2019

















sitem 1. januar simmer jetzt scho unterwägs - und händ so viel erläbt. gstartet simmer in bangkok. zwei täg lang simmer chli dur die riesigi stadt gschlenderet, händ binere interessante böötli-tour dur de kanal gseh, wie ufm fluss ih gwagglig ussehende hüttene gläbt wird 🛶, und sind nach einige umwäg (navigation tatjana) und 10000 schritt imne tolle rooftop-resti ahcho, womer nach numal 45 min warte sehr fein händ chönne ässe und eh grossartigi ussicht über bangkok gnüsse 🌃
für 3 täg ischs dänn witer gange in dschungel richtig kanchanaburi. euise guide isch en sehr gschwätzige gsi, aber en durchus lustige. er hät euis feini banane 🍌, gmüeschips, wasserfäll, es mon-dorf (zigüner) mit elefant 🐘 und d river kwai brugg zeigt. mit büsli, zug und böötli simmer schliesslich bi euism husboot ahcho (ohni strom & warm wasser, dafür mit sehr leckerem thai-ässe & enere kakerlake im zimmer, womer diskret mitm antibrumm besitigt händ 🤷🏼♀️).
zrugg in bangkok hämmer euis uf de wäg in norde gmacht. die ersti zugfahrt (bangkok-ayutthaya) hät amüsant gstartet. zersch im falsche zug hämmer müsse feststelle, dass d thais - so fründlich si au sind - wohl amigs eifach nicked, au wenn si d frag nöd verstande händ. bim ihstiege in richtige zug hät die automatisch schiebetüre zersch grad mal am roman sini hand und brülle ihgklemmt 😱 VIU sei dank (werbung) hämmer d brülle wieder chöne grad büge.
z ayuttha imne sehr herzliche hostel ahcho, hämmer verschiedeni tämpel besichtigt - unter anderem wieder per boot 🛶
en tag spöter simmer mitm zug wieder wieter nach lopburi - id affestadt. d äffli versammlet sich grössteteils um ein tempel und sind sehr vorwitzig. tatjana hät natürlich im rucksack gnäuslet und zack händ d affe öpis ässbars gwitteret und de roman ahgumpet 🐒
zrugg im hotel mitere chline wohi-gömmer-als-nöchst-und-wie-krise hämmer euis entschiede, euis im modern-ussehnde lokal um de egge es feins ässe (roman: fried-rice mit pork & tatjana: french fries 🍟 ➡️ vegetarisch ässe isch bis anhin relativ rar) z gönne🙏🏻 ih dem moderne, ausschliesslich thailändisch-sprechende lokal hämmer zwei chang-bier bstellt 🍻, wo wohl zerst im lade näbedrah händ müsse gkauft wärde - aber sie händ fründlich gnickt und euis touris glücklich gmacht!
d plän für die nöchste täg stönd - morn gahts wieter uf phitsanulok. mir freued euis uf die nöchste erläbnis 😍
