Schwäbisch isch wie Latein, nur de Gscheide Leit schwätzads! 🎓📕👆🏽

Mit ra räad gsonda Farb im Gsicht simmer ins hoimelige Neuseeland zruck gfloga. 👩🏿👱🏾‍♀️✈️

Für de restlich verbleibende 3 Wocha wo mr no dohana sind, hammer uns n Karra glieha, in dem mr au schlofa kennad.🚐 Mir sind etz quasi unter d Camper ganga - wer hetts denkt!💁🏼💁🏽 Des isch gar it mol so mend, wenn ma so flexibel isch.

Aufgrund vo ma heißa Tipp von zwei Engländer hammer uns mit m Noah auf n Weg in d Weinregion Renwick gmacht, wo s n kostalosa Campingplatz und a kostalosa Weinprob geit. Also hammer uns zwoi Drahtesel gemietet und los ging die Tour.🚲 Scho noch m 2. Weingut war mr ziemlich guad dbei, was uns aber it dvo abghalta hot no andere 6 Güter zum bsuacha..🍷D Leit sagad, dass d Rekord bei 12 Weingüter an oim Dag liegt, des hand mir leider it gschafft..😬

Gut ausgeschlafen und ausgenüchtert gings am nächsta Dag zum Queen Charlotte Track, n 70 km länger Wanderweg in de Marlborough Sounds. Wie zwoi Verruckte simmer 25 km in knappe 6 Stonda gloffa (gspronga). 🙈

Komplett ausgepowert und am Ende simmer dann no oiahalb Stonda mit m Auto in de nächst größere Stadt Nelson weiter und do hammer uns heit bei Sonnenschein und a baar Bolla Eis n netta Dag gmacht.🍦☀️