Veröffentlicht: 28.03.2026
Eier poste, wääge, knäte - d'Lala und de Papä hend zäme koched. Äs Festesse isch es worde, alles selber gmacht: Hackbrote, Spätzli, Rotkruut. Da git Kraft fürs Playdate mitem Gotti hüt Nomi. Endlich isch sie wiedermol zu üs cho - oder besser gseit: Sie het sich selber iglade 🤣. Wohrschiinlich het sie z'wenig Kind, Lärm und Chaos im Bruefsalltag und mag nochli meh devo ha 🤣🤣🤣🤣. D'Mädels findets natürlich super, vo Bäbistube spiele über Zimmer inspiziere und Pult ufruume chamer alles ha. Und wills verusse so gmüetlich "warm" isch, schleppt mä sie auno usse in Schnee 🤣.
