De Möbelmaa chund

Hüt chund endlich de Möbelmaa... Guet uf de Nomi timed, damit jo de Ale dihai isch und ich nöd - mä redet jo nöd so gern mit Fremde 🤣. So guete Service, sie packed alles us und nehmed denn gad s'Verpackigsmaterial wieder mit. Sowiit mol s'Verspreche im Mail.

Ich chum am halb 4i hei und siehe da, e riese Paket stoht vor de Garage. Nebedzue en Schulter zuckende Ale: "Wie isch da gange mit Uspacke und Verpackig mitneh?" De Möbelmaa heg nur gmeint:"Was uspacke? Do? Jo chönt mä mache, aber wo annestelle? Do verusse?" Ale: "Nei, d'Inne, chan jo nöd alli Einzelteil do ufem Garageplatz ha." Er: "Nei, goht nöd, nur do." Also simer mitem 31kg Pack verpackt zrug bliibe.

Am Obig denn s'grosse Uspacke und zämebaue. D'Nayara het sich auno was krallt und het jetzt e Bühni im Zimmer. Und s'kreative Kind Maluna tuuscht ihres Kuschelbett lieber mitere Kartonunterlag und amne Schachtelküssi 🤪. Verwöhntheit führt anschiinend wieder zrug i d'Eifachheit. Oder andersch: Hauptsach au was Neus ha 😅