Motutere-Tongariro Alpine Crossing-Taupo-Wai O Tapu-Lake Okareka

28.02.2020

Hüt isch am 5i Tagwach gsi. Für dasi am 6i ufä Shuttel ha chönne womi vom Endi vom Track, woni z Auto ha packiert ha, zum Afang het bracht. Z Wetter isch am Afang nonid so guet gsi, aber isch ono dunkel gsi weg dem bini mit dr Stirnlampe gstartet. Woni de ner dr steil astig ufe Vulkankrater gschaft ha gha, isch z schönste Wetter gsi. Aber nur dankem Wind wo aube sehr chräftig blase het us mr nid eifach het gmacht. Die Landschaft isch unbeschriblech dert obä. Eifach Woow mit de Seä und de Vulkanä. Nach Knapp 4h hani d Wanderig fertig gha. Die 6h 30min wo si agschribe gsi, si guet gmeint gsi. Ner bini witer uf Taupo am See mr es Grosses Kaffi u ne Cesarsalat go gönnä. Als nöchstes bini zum Wai O Tapu, dass isch sones Gebiet mit Schwefelquelle u Seä. Isch o sehr schön gsi aber gägä d wanderig irgend fasch chli längwillig. Villecht nid sone gueti Idee gsi, dass gad nachher go azluägä. Necher hanimr es schöns plätzli am Lake Okareka gsuecht. Meega schön do.