filippine parte 2 - bohol, camiguin e siargao

Nachere quaue attacco (bimer chli vorcho wie d'daniela ryf) hani mis tägleche riff-swimtraining leider ufgāh. d'verbrönnige si zwar harmlos aber die bissende rötige, quasi am ganze körper, si eher lästig und d'paranoia wieder i eini ine z'swime isch z'gross gsi. anda uf bohol isch trotzdäm mi lieblingsort ufde filippine worde. super schöni strand, kuuli höhline zum erkunde und mega liebi iheimischi. früchte vom markt zum zmorge und die autägliche obeäße ir eatery mitemne kanadische buddy hei die täg abgrundet.
da meh oder weniger aui vo do witer ufs südöstlech ligende camiguin göi, bini ou dä wägg witer. nääbdr fähre hei delfine die eh scho schön übe fürfahrt sehr spezialisiert gmacht und übis e tolli show botte. werum as die günstigste ungerkünfte zum teil so top lage hei und absolut geniau si verstohni nid, aber i finges sensationell. mit boot, roller und toucherbrüue erkundemer die überschaubari no mässig touristischi insle. mir probiere übs so guet wies geit ungers vouk z'mische, aber jo mi faut hout glich uf, vor auem weme kei ahnig het wie z'wette bim sehr traditionelle güggukampf (womer nach eire rundi wieder verloh hei). so lehremer wieder paar kuuli sache und müsse übs gäg jedi verkupplig mit töchtere, nichte und cousine wehre. d'frog isch nie ob e fründin oder frou hesch, sondern ob e filippinischi fründin oder frou hesch - luschtigi das. guet a dere stöu muessi ehrlecherwis zuegäh, ases schwirig isch mit de härzige filippinas nid z'flirte, die himmle eim so ah. ok gnue zu dä thema. witer geits uf mire reis.
nachere lange aber gäbige route mit 3 büs und 2 fähre chumi zu mire letschte destination, siargao. sehr vü schwärme vo dä surfermekka und nur einzelni rotemer dervo ab. schnäu fingi use wisomer e wäute bummler kolleg gseit het 'du mit dire reiseart wirsch eher enttäuscht si'. in general luna wome normalerwis stationiert isch wimmlets vo touris, es isch aues dopplet so tür wie süsch und irgendwie hei d'locals scho chli gnue vo übs. da ig aber eh scho überzückt bi vode d'filippine und primär eifach no dr summer wot gniesse, chani über das hinwägluege und loufe e wuche nur barfuess und mit badhose ume. zum wäue- & kitesurfe isches de wük e gueti adrässe (nid asis gross gmacht hätt, aber mi gsehts) wük die östlechi site am offnige meer isch. ou strand hets paar schöni und mitem roller chame 2-3 kuuli usflüge ungernäh. dank empfählung fingi de sogar no es richtig guets & extrem günstigs hostel für siargao. für 5.- pro nacht es bequems bett mit moskitonetz imne 6er zimmer, es gratis tüechli, suberi badzimmer, gratis wasserspänder, chilligi terasse und super nätts personau - do früeht sech jede budgetorientiert backpacker. footprints homestay wär dr name.
nachdämi e monet lang gwehrt ha gärgs umeflüge vo insle zu insle, gönnimer dä luxus und packe mini sache für richtig manila. dr taifun wo z'mitzt dür aues dürzieht vermassletmer fasch mini optimali planig, aber guet hani e äxtratag igrächnet für sone fau und mit glück (woni jo bekanntlech immer mou wieder ha) schaffis de glich rächtzitig i die unbeliebti metropole woni kei stung zit ha zum aluege. mi nächst flug wartet.
wasi jetzt mache gloubtme chum und isch so no nie i mim läbe vorcho. ig aus anerkennende summerliebhaber go freiwillig i winter. vancouver island hetmer extrem guet gfaue im summer und i wett ide nächst ca. 3 mönet usefinge obi s'gliche empfinde bi rägen & chöuti.

ändfazit vo mir:
- i liebe d'filippine immer no! :)
- super backpacker land, kuuli und härzlechi lüüt, eifach und relativ günstig (git sicher günstigri südostasieländer) zum umereise.
- s'kulturelle erbe isch eher längwilig da d'spanier über 3 johrhundert mitem katholizismus aues ursprüngleche vernichtet hei. die spöteri amerikanischi bsetzig het sicher ou nid gad ghoufe.
- s'meer isch a sehr vüüne orte äusserst troumhaft und drum gloubi chunnts gar nid so fest drufa weli insle asme bereist. mi tipp, lieber uf paar wenigi beschränke.
- gsetz gits zwar vü, aber meistens wärde die nid wük umgsetzt, usser evt gäge touriste. z.b. rouche uf öffentliche plätz, höumpflicht oder fürverbot.
- faus nöii fründe wotsch, muesch nur paar wörter mit locals wächsle und scho bisch familie. aber ufgepasst, es cha de ou ufdringlech wärede - bsungers aus frou. ha d'höufti vo mine bekanntschafte scho wieder glösch/blockiert.
- sport #1 isch definitiv basketbau, si liebe di wenn mou mitspüsch.
- nid verschrecke abem klische vom unattraktiv 60 jährige western ma miter junge hübsche filippina - gits z'haufen. mi chasech drüber stritte wie fest ases wük e win-win situation isch oder nur zwäcksmässig wägem business.
- s'wildlife wo ufem land eher bescheide isch, isch derfür im meer umso zauhricher. guet intakti koralleriff sei dank.
- filipinos liebe s'karaokesinge, insbesondere (oder eich nur) schnulzigi lieder. egau wie guet ases tönt, es wird öffentlech zelebriert.
- i cha d'filippine aune empfäle und i wirde gärn wieder cho:) salamat!

-----parti inglese-----

mia conclusione:
- adoro ancora le Filippine:)
- è un fantastico paese per backpacker, gente gentile, facile e relativamente economico (ci sono paesi del sud-est asiatico più economici) da attraversare.
- il patrimonio culturale è un po' noioso perché gli spagnoli cattolici hanno distrutto più o meno tutto durante i loro tre secoli di colonialismo. anche l'occupazione americana poi non ha certo aiutato.
- l'oceano è assolutamente splendido in molti posti, quindi non penso che realmente conti dove vai. il mio consiglio è limitarti a poche isole.
- esistono leggi che vengono però molto probabilmente applicate solo contro i turisti. ad esempio fumare in luoghi pubblici, indossare un casco o il divieto di fuoco.
- hai bisogno di nuovi amici, scambia semplicemente alcune parole e sei parte della famiglia. ma fai attenzione, può diventare invadente - specialmente come donna. ho già cancellato/bloccato metà di loro di nuovo.
- il basket è decisamente lo sport numero 1, ti amano se giochi con loro.
- non essere scioccato dal cliché dell'anziano occidentale poco attraente di 60 anni con la giovane e bella filippina - ce ne sono molti. difficile dire se si tratta effettivamente di una situazione vantaggiosa o solo per affari. nella maggior parte dei casi mi sento male per le ragazze.
- la fauna selvatica sulla terra è piuttosto deludente, ma quella in acqua è spettacolare - grazie a Dio per le barriere coralline intatte.
- i filippini amano cantare karaoke, in particolare (o forse solo) canzoni strappalacrime. non importa quanto tu abbia una bella voce, lo celebrano così tanto.
- posso consigliare le Filippine a tutti voi. Tornerò :) salamat!