Whangapoua-New Choums Lookout-New Choums Beach-Coromandel-Thames-Kaiaua

02.03.2020

Hut vode Nachbare gweckt worde wiusi hei gfragt obi oh heisses Wasser wet Haha, si hei gmeint I sig scho wach. Ner hanimi vom Edi (Campingbesitzer) müssen verabschidä mitere härzlächä umarmig vo ihm u das er Schwizer gern het die sige eifach super. Ner bini ufä New Choums Lookout gange, isch mega schön gsi öppe 40min gloffe. Hesch uf de mega schön Strand gseh, ohni Lüüt eifach schön. Ner bini de no ah Strand selber gloffe. Sehr sehr schöne Strand, z Wasser mega klar ou bi dem chli bewölktä Wätter. Witer bini uf Coromandel, ines mega schönes Kaffi gone Mago-Poule Salat esse, isch meega gsi. Plötzlich hei neb mir 2 no afa Schwizerdütsch redä. Si de es öuters pärli usem haslirüegsou gsi. Sehr cooli Lüüt. Ds Stedtli oder Dörfli isch mega schön gsi, so chli I'm Wildewestä Style. Ner bini de no uf Thames go ikaufe ou es sehr schönes Dörfli. Übernachtet hani z Kaiaua ufeme Freecamping