Gandoca 🦜-Projet

Alors j'écris en espagnol pour mes charmants collègues hispanophones. Ils nous ont permis de passer sept jours merveilleux à Gandoca dans une belle ferme. Nous avons rencontré de bons et drôles amis. Nous avons beaucoup appris sur les animaux et les plantes ici au Costa Rica. Ce que je ramènerai en Suisse, c'est l'attitude ouverte et joyeuse des gens ici au Costa Rica.

La pura vida ❤️

On Panama simr mitm Bös u när ds Füass über Gränzä nach Costa Rica tschaupet. Das isch diä unkompliziertästi Ihreis ihnäs Land gsi womr je erlät hei. Dä vor Migration ds Costa Rica het numä dr Bruäf wöuä wüssä u de hets scho dr Stämpu i Pass gäl. 🧑‍🦳 Nüt vo Gepäck scannä oder mitm ämä Hung absuächä, weder lang ahstah, ès Usreisebiliet verlangä oder wüssä wiviu Gäud das drbi hesch... 🤔💵 Sehr ahgnäma erstä Ihdruck vo Costa Rica. 🇨🇷🤝😜

Ig ha uf üsärä Reis no öppis für die Tier hiä wöuä machä oder ds häufä. Dür ä Kollegin bini de uf diä Adräsä in Gandoca cho. Mir häufä hiä 7 Täg uf ära Farm wo d‘Meereschiudchröt duät schütze. 🦜 D‘Familiä hiä isch sehr ufgsteut u mir hei bi ihnä Chost u Logie dörfä gniässä. Ihri zwe Söhn si de oh üsä Guides gsi wo üs aues erklärt u zeigt hei.

Diä erstä Täg si no 5 Studäntä da gsi wo das Projekt vor Uni us chömä ungerstützä u spêter isch no eini vo Italien cho mithäufä. 👌🏻😃 Mir hei ganz viu Tier dörfä gseh u beobachtä z.B. Affä, Waschbärä, Tucanä, Kolibris, Kaimanä, Kräbse, ganz viu verschidnägi Vögu, Spinnäli, Schlangä u no viu meh...🦖😈🦋🐍😒 Zudäm simr ihri Plantage ga ahlugä. Dert hets gaaaanz viu Bananä, Ananas, Kakao, Kokosnüss u viu Frücht wo mir no niä gseh u gässä hei. 👌🏻😋

Üses Tagesprogramm het de äubä öppä so usgseh:

Am Morgä simr ga dr Abfau ga zämälesä oder ga Paumä am Strand ga setzä. Diä Paumä schützä mit ihrnä Wurzlä diä angerä Pflanzä vor Erosion vom Meer u gäbä zudäm guäti Nährstoffä ab für d‘Vegetation. 🌳🌴🌿

Am Nami simr am Strand ds ahgschwemmtä Houz, Kokosnüss u Paumäest ga wägruumä, damit d‘Schiudchröt gnuä Platz zum Eier legä hei. 🦜

Am spätä Abä simr de dr Strand abglöfä u hei gluägt obs Schiudchröt het wo chömä cho Eier legä. 🦜

Ja ès isch de auso scho fei ä chli ahsträngend gsi... 😅 Äs git drum da paar wichtigi Reglä womä muässi ihhautä wemä am Abä ungerwägs isch... 🤔

z.B. Mäch drf ke Liecht ha, wöu das d‘Schiudchröt chönt störä oder abschreckä. Mäch drf numä dunkli Chleider tragä u mä sött ke Lärm machä oder lut mit änang redä. 🙏🏻 Ds Loufä am Strand isch zudäm sehr ahsträngend wöu d‘a jedesmau mit d‘Schuäh im Sang ihsinkisch u d‘Schuäh nää oh gad gfüt si. 🥕🙈

Meistens simr öppä zwöi bis drü Stung im Sang, im Fisterä, müglechst lislig, über diä ahgschwemmtä Sachä tschaupet u si zwüschinä no vorä Wäuä überrascht wordä. 🇰🇷🛛‍♂️🛛👨‍🚀👩‍🎤

Diä erstä zwe Nächt heimr leider nüt entdeckt, drfü pfüselä mäch nach derä Wanderig wunderbar. 😭😉

Womr de ir drittä Nacht lostschaupet si, isch diä wärtwyt gröschti Meeresschiudchrotäart, d’Baula, an Land grobbt. 🐢🌍🌓

Wow... was für ä Glück, dass mir das hei dörfä erlälbä. 🦜👋🏻💍 Mir hei si de im Mondschin chönnä beobachtä, wiä si ä grosses Loch mit ihrnä riisä vorderä Flossä buddlet het u dert ihri 102 Eier gleit het. 🌙 Isch sicher öppä ä Stung gangä. 🤗

Ih derä Zyt si tatsächtlich no Lüt cho ds Loufä mit Liächt. Denä heimr de müässsä erklärä, dass si bitte ohni Liächt sōuä witerloufä damit si nid gstörät wird. 😤

D‘Baula het de nää ri auer Ruäh ds Loch mit dää hingerä chlinerä Flossä sanft zä gschütet u nää mit dä grossä vorderä Flossä aues schön verdeckt. Aues nachem Motto: „Numä langsam iuflää...“ 😜

Ahschliessend het si säch umä ufä Wäg ih ds Meer gmacht. 🌍 Mir hei de mitm Guide d‘Steu gsuächt u d‘Eier usgrabet. Ja genau fasch wiä a Osterä. 🐧😜 Ds Problem isch, dass si d‘Eier äba nid so guet u vorauem z’nöch vom Meer versteckt het. 🤔🙈

Mir hei d‘Eier nää amä sicherä Ort töif ihgräbt u d‘Steu guet verdeckt. Damit diä Chlinä diä nächstä 50 Täg, wo si bruchä bis si schlüpfä, nid gfunga wärdä. Äs isch hiä verbotä diä Eier ds nä, aber äsgit leider Lüt wo diä Eier usgräbe, verchoufa u pro Ei 1 Dollar bechömä. 😠 Ja u sonä 🦜 cha bis um diä 100 Eier legä u de git das fei ä chli Gäud. 😎 Da aues im Fisterä passiert u d‘Polizei hiä no mit angernä Problem kämpfä, isches nid gad eifach das ds stoppä. 😔 Drum si si hiä uf Hiuf vo Volunteers ahgwisä. 🙏🏻

Dr Guide wird de nach 50 Täg ga luägä, dass si ah däm Tag ungstölt ids grossä witä Meer zrügg chöi. 🌍🦜🌴

So öppis dörfä mit ds erlälbä u ä chlinä Teil drzuä chönä biträgä, git eim ä wunderbars Gfühl im ❤️.

Mir brüchä itze numä no 102 Näma für diä Chlinä 🦜 wo ih 50 Täg schlüpfä... 🤔😜🤣