Nagu- Korpo- Houtskär- Mossala

bim Hafe heimer es Kaffee gno u sie nähr mit sehr schmärzende Füdlä losgfahre. Hüt simer wieder rund 65 km unterwegs u hei insgesammt 4 Fährene. Nacheme Wieli heimer üse Füde oh nüm ganz so schlimm gspürt u mir hei di schöni Landschaft unterwegs gniessä. Di erste 20 km simer überne sehr ländlechi Gägend gfahre u mit jedere Fähre womer hei gno sie d'Velowägä schöner wordä u wägg vor Houtpstrass. Unterwegs heimer eh Halt in Houtskär gmacht u hei es süsses Kaffee gfundä am Wasser. In Mossala acho, simer ganz erstunnt gsi über d'Grösse vom Camping. Es isch echt gross u wunderschön hiä. Mir sie di einzige gsi wo mitem Velo undem Zäut da sie darum heimer dr ganz Zäutcamping für üs gha. Duschi het super gued dah u isch nach 2 Täg oh dringend nödig gsi ;), im Resti heimer üsnähr eh Burger gönnt zum z'Nacht.