Gandoca 🦜-Progetto

Quindi sto scrivendo in spagnolo per i miei adorabili colleghi che parlano spagnolo. Ci hanno permesso di trascorrere sette meravigliosi giorni a Gandoca in una bellissima fattoria. Ci siamo incontrati con buoni e divertenti amici. Abbiamo imparato molto sugli animali e sulle piante qui in Costa Rica. Ciò che porterò in Svizzera è l'atteggiamento aperto e allegro della gente qui in Costa Rica.

La pura vita ❤️

Vo Panama simr mitm Bös u näher ds Fuäss über Gränzä nach Costa Rica tschaupet. Das isch diä unkompliziertä Ihreis ihnäs Land gsi womr je erläbt hei. Dä vor Migration ds Costa Rica het numä dr Bruäf wöuä wüssä u de hets scho dr Stämpu i Pass gä. 👫🏽‍♂️ Nüt vo Gepäck scannä oder mitm älmä Hung absuächä, weder lang ahstah, äs Usreisebiliet verlangä oder wüssä wiviu Gäd das drbi hesch... 🤔💵 Sehr ahgnämä erstä Ihdruck vo Costa Rica. 🇨🇷👋🏽😈

Ig ha uf üserä Reis no öppis für die Tier hiä wöuä machä oder ds häufä. Dür ä Kollegin bini de uf diä Adrässä in Gandoca cho. Mir häufä hiä 7 Täg uf ärä Farm wo d‘Meereschiudchröte duätsch schütze. 🦜 D‘Familiä hiä isch sehr ufgsteut u mir hei bi ihnä Chost u Logie dörfä gniäissä. Ihri zwe Söhn si de oh üsi Guides gsi wo üüs aues erklärä u zeigt hei.

Diä erstä Täg si no 5 Studäntä da gsi wo das Projekt vor Uni us chömä ungerstützä u speter isch no eini vo Italiä cho mithäufä. 👍🏽😃 Mir hei ganz viu Tier dörfä gseh u beobachtä z.B. Affä, Waschbärä, Tucanä, Kolibris, Kaimanä, Krabbsä, ganz viu verschidnägä Vögü, Spinnälerä, Schlangä u no viu meh...🧞‍♀️🧻🦑👽🙌🏽 Zudämm simr ihri Plantage ga ahlugä. Dert hets gaaaanz viu Bananä, Ananas, Kakao, Kokosnüss u viu Frücht wo mir no niä gseh u gässä hei. 👌🏽😋

Üses Tagesprogramm het de äubä öppä so usgseh:

Am Morgä simr ga dr Abfau ga zämämäläsä oder ga Paumä am Strand ga setzä. Diä Paumä schützä mit ihrnä Wurzlä diä angerä Pflanzä vor Erosion vom Meer u gäbä zudämm guäti Nährstoffä ab für d‘Vegetation. 🌲🌼🌿

Am Nami simr am Strand ds ahgschwemmtä Houz, Kokosnüss u Paumäest ga wägraumä, damit d‘Schiudchröte gnuä Platz zum Eier legä hei. 🦜

Am spätä Abä simr de dr Strand abglofä u hei gluägä obs Schiudchröte het wo chömmä cho Eier legä. 🦜

Ja äs isch de auso scho fei ä chli ahsträngend gsi... 😅 Äs git drum da paar wichtigi Reglä womä muäss ihhautä wemä am Abä ungerwägs isch... 🤔

z.B. Mä darf ke Liecht ha, wöu das d‘Schiudchröte chönnt stören oder abschrecken. Mä darf numä dunkli Chleider tragä u mä sött ke Lärm machä oder lut mit ähnang redä. 🙏🏽 Ds Loufä am Strand isch zudämm sehr ahsträngend wöu dänn jedesmau mit dän Schuä im Sang ihsinkisch u d‘Schuä nää oh gad gfäuft si. 🥚👂

Meistens simr öppä zwöi bis drü Stung im Sang, im Fisterä, müglechst lislig, über diä ahgschwemmtä Sachä tschaupet u si zwüschinä no vorä Wäuä überrascht wordä. 🇰🇷🚖🏃🏽‍♂️🤷🏽‍♂️🙌🏽

Die erstä zwe Nächti heimr leider nüt entdeckt, drfür pfüselä mä nach derä Wanderig wunderbar. 😴😉

Womr de ir drittä Nacht lostschaupet si, isch diä wäutwyt gröschti Meeresschiudchrotäart, d‘Baula, an Land grobbt. 🐢🇮🇹🌊

Wow... che fortuna, che noi che siamo riusciti a vivere questo. 🦜👋🏽💖 Mir hei si de im Mondschin chönnä beobachtä, wiä si ä grosses Loch mit ihrnä riisä vorderä Flossä buddlet het u dert ihri 102 Eier gleit het. 🌇 Isch sicher öppä ä Stung gangä. 🤗

Ih derä Zyt si tatsächlech no Lüt cho ds Loufä mit Liächt. Denä heimr de müässlä erklärä, dass si bitte ohni Liächt sölä witerloufä damit si nid gstört wird. 😤

D‘Baula het de näär ih auer Ruäh ds Loch mit d‘hingerä chlinerä Flossä sanft zuä gschüttet u näär mit d‘grossä vorderä Flossä aues schön verdeckt. Aues nachem Motto: „Numä langsam iuflää...“ 😈

Ahschliessend het si säch umä ufä Wäg ih ds Meer gmacht. 🌊 Mir hei de mitm Guide d‘Steu gsuächt u d‘Eier usgrabet. Ja genau fasch wiä a Osterä. 🐢😈 Ds Problem isch, dass si d‘Eier äbé nid so guet u vorauem z‘nöch vom Meer versteckt het. 🙄🛑

Mir hei d‘Eier näär amä sicherä Ort tӧif ihgrabä u d‘Steu guet verdeckt. Damit diä Chlinä diä näächstä 50 Täg, wo si bruchä bis si schlüpfä, nid gfungä wärdä. Äs isch hiä verbotä diä Eier ds nä, aber äs git leider Lüt wo diä Eier usgrabä, verchoufä u pro Ei 1 Dollar bechömä. 🔥 Ja u sonä 🐢 cha bis um diä 100 Eier legä u de git das fei ä chli Gäd. 😏 Da aues im Fisterä passiert u d‘Polizei hiä no mit angernä Problem kämpfä, isches nid gad eifach das ds stoppä. 😔 Drum si si hiä uf Hiuf vo Volunteers ahgwisä. 🙏🏽

Dr Guide wird de nach 50 Täg ga luägä, dass si ah däm Tag ungstöört ids grossä witä Meer zrüüg chöi. 🌊🐢🌴

So öppis dörfä mit ds erlääbä u ä chlinä Teil drzuä chönnä bitragä, git eim ä wunderbars Gfüü im ❤️.

Mir brüchä itze numä no 102 Nämi füri diä Chlinä 🦜 wo ih 50 Täg schlüpfä... 🤔😈😂