acho in Jyväskylä

Nachere mässig erholsame erstä Nacht simer am Morgä ga dr Supermarkt us checkä u hei üs mitem wichtigste ideckt wie Seife u Küderseck, u i mim Fall ghört ja under diä Sparte oh Kaffee, Pasta u Mayo (PS; faus mr öber mau es Päckli sött schickä, please send Mayo, d'Finnä hei ke gueti hahaa). Womer sie zrüg cho hanni de mi Schlüssu becho u mis Zimmer chönne irummä Yuppie :D schüsch heimer numä deheime chillt. Am nächste Tag bini ire wunderschön verschneite Winterlandschaft ufgwacht u mir hei am Nami es Usflügli id Stadt gmacht wo d'Sunnä chli isch füre cho. Es isch trotzdem no sehr früsch gsi mit -17 Grad ;). Sie ines paar Läde u inä Brocki u ufem Heiwäg heimer eh wunderschöni Sunneundergangsstimmig gha. Oh dr nächst Tag isch sehr chalt gsi u mir sie numä churz eh Rundi ume Block gah loufä. I gloub mir fröie üs beidi we d'Schuel gli los geit ihrä Wuche.